Nagalab-ot sa P1 million ang premyo sa mangin kampeon sa Street Dance Competition sa palaabuton nga Masskara Festival sa ciudad sang Bacolod.
Sa live interview sang Radyo Bandera Bacolod kay Bacolod City Councilor kag Chairman sang Committee sang Tourism, Jason Villarosa ginpahayag sini nga ang proposed amount nga premyo para sa mangin kampeon nagalab-ot sa P1 million samtang ginadesisyonan pa sang Masskara Yuhom Foundation kag ciudad kung pila naman ang premyo para sa 1st kag 2nd runner-up sa amo nga kompetisyon.
“Sure na ang Champion will receive P1 million. Possible P700,000 kag 500,000 sa runners-up pero desisyonan pa ina,” pahayag ni Councilor Villarosa.
Samtang, patigayunon naman ang Opening Ceremony ukon Salubong sa pagbukas sang Masskara Festival sumugod sa Setyembre 30 tubtob Oktobre 1 sa Bacolod City New Government Center sa diin, may yara sang fireworks display, may mga banda kag madamo sang mga bisita.
