Tuesday, December 6, 2022

P145 milyon nga balor sang Agar Wood nakumpiskar sa syudad sang Tagum

- Advertisement -

Arestado ang tatlo ka Malaysian national kag 13 ka iban pa matapos nakuhaan sang P145 milyon nga balor sang Agar wood sa syudad sang Tagum.

Nalakip ang Agar wood sa puno nga ginadumilian utdon kag ibaligya, sandig sa listahan sang Convention on International Trade in Endangered Species (CITES).

P145 million worth of Agar Wood confiscated from 16 people in Tagum City. Photo from Tagum City Police Station

Ginpatigayon ang operasyon sa Barangay Magugpo East matapos nakabaton ang mga otoridad sang impormasyon angut sa pagbaligya sang Agar wood.

- Advertisement -

Ini ang nagresulta sa pagkadakup sa 12 ka mga negosyante, 3 ka mga Malaysian nationals nga sanday Hamdan Zakaria, Alyasah Zakaria kag Shahidan Saari kag ang ila gina-alegar nga interpreter nga si Dennis Asuncion.

Nakumpiskar halin sa mga suspetsado ang Agar wood nga may kabug-aton nga 145.5 kilos kag ang P4.3 milyon cash.

Yara na sa kustodiya sang Tagum City Police Station ang mga ebidensya kag ang 16 ka mga suspetsado.

Nagapangatubang ang mga suspetsado sa kaso sang paglapas sa Presidential Decree 705 ukon Forestry Reform Code of the Philippines kag Republic Act 9147 ukon Wildlife Resources Conservation and Protection Act.

via ABS-CBN

- Advertisement -
Reyster Gani
Reyster Gani
News Writer /News Reporter at Radyo Bandera Sweet FM Bacolod. BS Mass Communication Graduate at University of Negros Occidental-Recoletos

Related Articles

Leave a Reply

Stay Connected

- Advertisement -

Latest Articles