Ginkumpirmar ni Department of Health (DOH) officer-in-charge Maria Rosario Vergeire nga ang kapin P15.6 bilyon nga balor sang COVID-19 vaccine ang nauyang para sa vaccination program sang gobyerno.
Suno kay Vergeire, 24 milyon nga shots ang na-expire bangud sa malip-ot sini nga shelf life.
Naguba naman ang pito ka milyon nga dose sang bakuna bangud sa temperatura samtang ang iban amo ang nabuksan apang wala nagamit, kag dugang pa diri ang 31 milyon nga bakuna nga ginbakal sang mga pribado nga sektor kag LGUs.
Isa man sa nakita nga rason kun ngaa madamo nga mga bakuna ang na-expire, amo ang madamo nga mga Pilipino ang indi luyag magpabakuna.
Sa pinakaulihi nga datos sang DOH sadtong Nobyembre 17, 2022, yara sa 73.6 milyon sang mga Pilipino ang fully vaccinated na samtang 20.8 milyon ang nakabaton sang una nga booster shot.
