Ginpaimbestigahan na ni Secretary Erwin Tulfo sang Department of Social Welfare and Development (DSWD) ang ₱2 billion nga ayuda nga gin-alegar wala napanagtag sa mga benepisyaryo sang programa nga Social Amelioration Program (SAP).
Kaangot ini sa naguwa nga annual audit sang Commission on Audit (COA) kun sa diin may bag-o nga ginpanagtag ang DSWD nga P1.9 billion nga financial aid para sa mga Pilipino.
“Naibalik naman ang pera sa Bureau of Treasury, hindi naman talaga siya nawala. Yun nga lang, ang nakakalungkot, hindi naibigay sa tao noong kinakailangan ng tao yung budget,” suno kay Tulfo.
Naghalin sa opisina sang DSWD sa Metro Manila kag sa rehiyon sang Visayas ang kalabanan nga wala naipanagtag nga ayuda.
Madumduman nga ginsita man sang COA ang ahensyaa sang wala ini naipanagtag ang P780 million nga pondo para sa SAP nga mabaton kuntani sang masobra 140,000 nga benepisyaryo.*
by: Reyster Gani
