Ang minimum nga plete sa mga pampubliko nga jeepney ang P11 na nationwide humalin Hulyo 1, matapos nga gin-aprobahan sang Land Transportation Franchising and Regulatory Board (LTFRB) ang apelar sa pagpasaka sang plete.
Sini nga Miyerkules, gin-aprobahan sang LTFRB ang tingob nga petitions sa bilog nga pungsod para sa provisional nga P2 fare increase agud makabulig sa mga drayber kag operator samtang nagasaka ang presyo sang gatong.
Madumduman nga una nga gin-aprobahan sang LTFRB ang temporaryo nga saka sa plete halin P9 tubtob P10, apang ini ang sa Metro Manila, Central Luzon, Calabarzon kag Mimaropa lamang.
Karon, ang mga tradisyunal nga jeep sa bilog nga pungsod ang utorisado na nga magpasaka sang ila plete sa P11 sa una nga apat ka kilometro, suno sa LTFRB.*
