Nangin maduguon ang nagluntad nga buy bust operation nga nagresulta sa pagkamatay sang apat ka Chinese nationals nga nagbato sa katapo sang Philippine Drug Enforcement Agency (PDEA) sa Punta Verde Subdivision, Barangay Pulong Cacutud, Angeles City Pampanga takna alas 10:00 kahapon sang aga, Oktobre 18,2021.
38 kilogramos sang ginasuspetsuhan methamphetamine hydrochloride ukon shabu valued nga nagabili sang Php 262,200,200 million pesos ang nakuha sa mga suspetsado.
Ang apat ka Chinese nationals ang na-identify nga sanday Cai Ya Bing Alias CAI, 29 anyos, residente sang Yuncheng City, Shanxi; Erbo Ke Alias Payat, 34 ayons, taga Quanzhou City, Fujian; Huang Guidong, 43 anyos kag si Wuyuan Shen (who also uses the name Jinpeng Zhang), 41 anyos, lunsay residente sang Zhang Zhou, Fujian.
Ang apat ka suspetsado ang armado sa caliber .45 pistols nga ginasuspetsuhan gingamit nila batok sa government forces.
Magluwas sa shabu, duwa ka iPhones kag digital weighing scale ang narekober sa mga suspetsado.
