Naisumiter na sang Kamara sa Senado ang P5.024 trillion 2022 General Appropriations Bill (GAB) ukon ang pinakaulihi nga national budget sa administrasyon ni Presidente Rodrigo Duterte.
Sa idalom sang 2022 GAB, ang sektor sang edukasyon ang may pinakamataas nga pondo nga magalab-ot sa P773.6 bilyon.
Lakip diri ang dugang nga P20 billion nga pambakal sa COVID-19 booster shots kag vaccines para sa nagapadayon nga pandemya. Amo man ang P5 bilyon para sa Medical Assistance to Indigent Patients (MAIP) program, P4.5 bilyon nga Special Risk Allowance (SRA) sa mga public kag private healthcare workers kag P6 bilyon para sa Service Contracting Program.
Nagalaum si House Speaker Lord Allan Velasco nga mapirmahan na ini ni Presidente Rodrigo Duterte sa Disyembre.
