Kun luyag pa ni The People’s Champ Senator Manny Pacquiao sang isa pa ka-away sa boxing, luyag ni Negros Occidental Governor Eugenio Jose “Bong” Lacson nga mag-intra si Pacman sa 2024 Summer Olympics sa Paris, France agud makuha sang Pilipinas ang pinakauna nga gold sa boxing.
Suno sa gobernador nga ginapahanugotan naman nga mag-away ang mga professional boxers sa Olympics kag ang kada fight ang tag 3 rounds lang kag siya nagapati nga kun qualified, masarangan pa ini ni Pacman sa iya nga edad nga 45 anyos sa 2024.
Apang kun indi man lang sa Olympics ang dason nga away ni Pacman, mas maayo nga magretiro na ini para makatutok sa politika.
“I think he has done his share, definitely he will become a hall of famer in boxing and he will always ve our people’s champ”, pahayag ni Lacson.
Sa away ni Pacman sang nagligad nga Domingo batuk sa mas dako kag mas hubin nga Cuban fighter nga si Yordenis Ugas ginsiling man ni Lacson nga convincing ang pagdaog ni Ugas bangud sumugod sang 4th round nagbatyag na si Pacman sang cramps sa iya nga tiil suno sa iya mga coaches. .*| via Kabanderang Kirby Federez
