Wednesday, July 24, 2024

PAG-GABOT SANG MGA KAHOY BANGUD SA GINAUBRA NGA PROYEKTO SA KABUKIRAN SAKOP SANG CIUDAD SANG TALISAY PAIMBESTIGARAN NI MAYOR NEIL LIZARES

- Advertisement -

Paga-imbestigaran ni Talisay City Mayor Neil Lizares ang gina-alegar pagpanumba sang mga kahoy kag pagdevelop sang bahin sang kabukiran nga nasakpan sang Sitio Campuestuhan Brgy.Cabatangan sang amo nga siudad.

Sa ginpadala nga sulat sang alkalde sa kontraktor nga si Jerry Sy kag tag-iya sang resort sa diin padulong ang gina develop nga dalan, ginsiling sini nga wala na lakip ang Talisay City Government sa Special Use Agreement in Protected Area, nga idevelop ang lugar nga sakpan man sang Northern Negros Natural Park.

Sa text message ni Lizares ginsiling sini nga siya ang natalana nga makigsapul sa Community Environment Resources Office agud maimbestigaran ang ginasiling nga pagpang-gabot sang mga kakahoyan kag pagdevelop sang dalan sa nahambitan nga bahin sang bukid kag iya na temporaryo nga ginpauntat ang proyekto.

- Advertisement -

Ginsiling naman ni Engr. Joan Nathaniel Gerangaya, CENRO officer kag Concurrent Protected Area Superintendent sang NNNP, nga iya na ginpangtipon ang mga nagakaigo nga permits sang kontraktor sa pagdevelop sang dalan para sa patigayunon nga imbestigasyon.

Suno pa sa kay Gerangaya nga may yara na sang naga-eksister nga dalan kag ini ang gindevelop sang kontraktor, apang may yara sang ginkabkab nga bahin sang bukid kag may mga kahoy nga naapektuhan sa pagpalapad sang dalan, pati na ang pagkautod sang linya sang mga tubo sang tubi nga amo naman ang naga supply sa mga residente malapit sa lugar gikan sa mga tuboran.

Dugang pa sini nga iya man istoryahon ang mga tanod sa lugar kag mga bantay bukid, nga amo ang nakahibalo kun pila ka mga kahoy ang naapektohan sang proyekto.

Nagsabat naman ang kontraktor sa kay Mayor Lizares paagi sa sulat nga ginpadala sini sa alkalde kag ginsiling sang kontraktor nga wala sang may gingabot nga mga kahoy sa ila proyekto kag ang nakita sa social media, ang nagkalatumba tuga sang landslide.

Dugang pa sini nga may yara na sang nagaeksister nga dalan sa lugar nga ginagamit sang mga pumuluyo para magdul-ong sang mga agricultural products sa merkado.

Nalakip man sa sulat nga ang ila proyekto ang santu lamang sa permits nga ila na kuha gikan sa Department of Environment and Natural Resources kag Northern Negros Natural Park-Protected Area Management Board.

Pagasundon man sang kotraktor ang desisyon ni Lizares sa pagpauntat sang ila proyekto sa lugar kag magahimo man sang naga kaigo nga tikang, base sa sulat nga iya gin padala sa alkalde.

- Advertisement -
Coolen Cubia
Coolen Cubia
A newscaster and news writer in one of the Local Radio FM Stations in Negros Occidental. Graduated in University of Negros Occidental-Recoletos Bachelor of Science in Mass Communication.

Related Articles

Leave a Reply

Stay Connected

33,995FansLike
9FollowersFollow
0SubscribersSubscribe
- Advertisement -

Latest Articles