Pagahulton pa sang Bacolod ang ipaguwa nga guidelines sang Department of Trade and Industry nga naga pahanugot na sa mga hotels nga mag-operate sa full capacity apisar nga naka General Community Quarantine ang siudad.
Suno pa kay Vice Mayor Elcid Familiaran nga bangud kinahanglan na nga buhion ang ekonomiya rason nga gin pahanugotan na sang Inter-Agency Task Force for the Management of Emerging Infectious Diseases (IATF-EID) nga mag operate sa full capacity ang mga hotels.
Dugang pa sang bise-alkalde nga kinahanglan na nga magpangabuhi sang mga Bacolodnon nga may presensiya sang COVID-19 kag samtang wala pa sang vaccine, sundon gid ang health protocols, pag suksok sang mask kag pag observe sang social distancing.
Gin siling man ni Familiaran nga obligasyon sang mga hotel management nga mag implentar sang mga health protocols para sa kasiguraduhan sang ila mga bisita pati na ang ila empleyado dala na diri ang strikto nga pag implementar sang BACTrac Sytem.Suno pa sa pahayag ni Familiaran,”Gina lauman kon tane nga sini nga Masskara Season ang pag sugod sang pagtimbuok sang ekonomiya sang siudad, bangud 100’s of millions of pesos ang posible nga maga circulate sa Bacolod,””kag “everybody happy”, indi lang ang mga hotels bisan ang mga naga libod sang mga pagkaon, taglibod sang mga Masskara memorabilias, trysikad drivers kag iban pa nga nga sector, apang bangud sa pandemya kinahanglan nga batunon sang Bacolodnon ang ini nga hitabo, siling ni Familiaran.
By:Kirby Federez
