Kasunod sang kontrobersyal nga isyu sang bilyones pesos nga nadula sa PhilHealth bangud sa ‘fraud’ kag ‘overpayment’, gin-anunsyar sang ahensya ang pagpatuman sang temporaryo nga suspensiyon sang pagbayad sang hospital claims agud matapna ang pag-usik sang pondo bangud sa ‘irregular claims’.
Sa gin-issue nga PhilHealth Circular No. 2021-0013, nakasaad ang mga pagsulundan sa pag-issue sang Temporary Suspension of Payment of Claims (TSPC) bilang ‘preventive measure’ batok sa mga healthcare providers nga subject sang imbestigasyon.
“The Circular was issued in the spirit of proper fund management and fraud control,” suno sa ahensya.
Sa pinakaulihi nga virtual hearing sang House committee on health, ginsiling ni Philippine Hospital Association president Dr. Jaime Almora nga may P86,079,590,987.21 worth of claims sa PhilHealth ang mga pribado nga ospital humalin Enero 2020 tubtob Hunyo 2021.
Kapin P26 billion diri ang ginaproseso pa, samtang ang P46.6 billion ang ginbalik sa mga ospital kag kapin P13.8 billion ang gindeny.
Sa bahin naman sang PhilHealth, ginpahayag sini nga may yara sang mga pagpang-abuso sa mga ospital nga naga-claim sang probable COVID-19 cases.
Bangud diri, ginsiling sang state insurer nga kinahanglan na sini nga mag-implementar sang mga tikang agud maseguro ang ‘sustainability’ sang pondo nga ginsalig sa ila.
“With this new Circular, the Corporation introduced additional provisions that would ensure that due process is observed before any TSPC is finally issued so as to allay fears of alleged arbitrary investigations among our providers.”
