Ginbatikos sang isa ka partylist congressman ang top executives sang Smart-PLDT bangud sa pagkuha sang mga dayuhan bilang product endorsers nga nagpanubo sa mga Filipino artist.
Ginsiling sang mambabatas, nga dismayado siya bangud bias sanday telco chair Manny Pangilinan kag president Al Panlilio batok sa local talents nga, “paying hundreds of million-pesos to foreign artists for the telco’s product promotions amid this pandemic that wrought havoc in our economy is immensely insensitive and unsympathetic to say the least.”
Ini ang reakasyon ni Rep. Ronnie Ong, sang Probinsiyano Ako Partylist, sa mga report nga ang isa sa pinakadako nga telecommunications firms sa pungsod ang nagkuha sang sikat nga South Korean entertainment personalities bilang endorsers, kalakip na ang BTS group nga ginbayaran sang U.S. $10 million para sa isa ka commercial sadtong nakaligad nga tuig.
Suno kay Ong, apisar nga ang pagkuha sang Smart-PLDT sang foreign talents kaugalingon nila nga karapatan apang ang nasambit nga ‘executive decision’ ang iga-dismaya sang Filipino nationalists.
“We understand the right of local companies to choose whoever they want endorsing their products but we would like to remind them to choose Filipino first just like when we remind our kababayans to choose Filipino products first,” pahayag ni Ong.
Base sa report, nag-gastos ang Smart-PLDT sang milyon-milyon dolyares sa pagkuha sa sikat nga South Korean kag Western entertainment personalities para sa ila commercial endorsements.
Kalakip sa mga ini sanday Hyun Bin, Son Ye Jin, Park Seo Joon kag BTS halin sa South Korea.
Ang mga sikat nga kaangay nanday Chris Evans, Charlize Theron kag Gwyneth Paltrow ang ginkuha man nga mangin endorsers.
Nahibaluan nga ang professional fees para sa nasambit nga mga celebrity ang naga-umpisar sa $1 million tubtob $10 million sa kaso sang BTS.
Sadtong 2015 ginkuha sang kompanya si Miss Universe Pia Wurtzbach para sa isa ka commercial, kag ginabayaran siya sang $500,000.
Ginasulong man ni Ong ang ‘Filipino first‘ policy agud mabuligan ang local industries nga makabangon halin sa indi manami nga economic impact sang COVID-19 pandemic.
Sadtong nakaligad nga Hunyo, gin-aprubahan sang Kamara sa third kag final reading ang House Bill 9350 nga nagasulong nga i- institutionalize ang “One Town, One Product” Philippines program para ma-ayudahan ang MSMEs sa Pilipinas.
Naghain din sina Reps. Alfred Vargas (6th District, Quezon City) at John Marvin “Yul Servo” C. Nieto (3rd District, Manila) ng mga panukala para tugunan ang kawalan ng suporta ng pamahalaan sa local talents at movie personalities at Filipino producers.
