Madugay na nga layi suno kay Presidential Spokesperson Harry Roque ang pagbayad sang tax sang mga online sellers kon sa diin gina mandu ang mga ini nga magparehistro sa Bureau of Internal Revenue (BIR).
Ang nasambitan nga layi ang nag-umpisa sang tiempo pa sang administrasyon ni Aquino sa pagpungko bilang BIR Commisioner ni Kim Henares suno kay Roque.
Madumduman nga nangin mainit ang isyu sang BIR kag sang mga online sellers matapos nga maghatag sang sentimento ang iban nga Senador nga tuman ka insensitibo ang BIR sa pagpanukot sa mga online sellers sa tunga sang COVID19 pandemic.
Liwat nga ginhambal ni Roque nga wala sang dapat kabalak-an ang mga online sellers nga may yara gid lamang sang P250,000 nga income kada tuig bangod ang mga ini ang exempted sa Tax.
