Ginahingyo ni anay Defense Secretary kag senatorial candidate Gilbert “Gibo” Teodoro ang mga pribado nga sektor nga mag-partner sa mga lokal nga mangingisda kag ilakip sila sa “value chain” agud madugangan ang ila income kag livelihood opportunities.
“Ang pribado nga sektor ang makahimo sang nagakaigo nga epekto sa mga kabuhi sang aton mangingisda bangud ang pag-partner sa ila kag paglakip sa ila sa value chain ang makapasanyog sang kalakalan, maayo nga access sa merkado kag mas madako nga income para sa aton mga mangingisda,” suno kay Teodoro.
Ang value chain amo ang mga aktibidad nga ginahimo sang mga industriya agud makahatag sang mga produkto ukon serbisyo sa mga end customers.
Si Gibo Teodoro, nga may malapad nga experyensiya sa pampubliko kag pribado nga sektor sa nagkalain-lain nga industriya, ang nagaganyat sa mga mangingisda nga mag-organisa sang kooperatiba agud nga may yara sila sang “economies of scale” kag tigayon nga maka-partner sa mga dalagko nga enterprises.
Iya man ginpahayag nga ang gobyerno ang dapat nga maghatag sang incentives sa mga kompaniya nga naga-engage sa mga mangunguma kag mangingisda kag dal-on ang mga ini sa value chain.
Kinahanglan man nga mag-invest ang gobyerno sa cold storage facilities agud malikawan ang madamo nga food losses.
“Ginapalibutan ang Pilipinas sang malapad nga katubigan, gani ang fisheries kag aquaculture ang may dako nga papel sa food security kag sustainability, nga amo ang parte sang akon adbokasiya,” suno kay Gibo.*
