Pagapabay-an na lamang sang Palasyo sang Malakanyang si Senador Manny Pacquiao nga magpresentar sang mga ebidensya angut sa ginapahayag korupsiyon sang gobyerno.
Suno kay Presidential Spokesman Harry Roque, isa ka hilway nga pungsod ang Pilipinas kag mahimo himuon ni Pacquiao ang mga luyag sini himuon.
Una diri, ginsiling ni Pacquiao nga ibuyagyag niya ang mga ebidensya sa tion nga makapauli na ini sa pungsod sa Agosto.
Nahibaluan nga yara Amerika karon ang senador kag masako sa paghanas para sa iya nagahilapit nga engkwentro batok sa boksingero nga si Errol Spence sa Agosto 21 sa Las Vegas, Nevada.
“Well, pabayaan po natin si Senator Pacquiao kung anong gusto niyang isiwalat ‘no. It’s a free country. Pero sa ngayon po kaisa nila kami, kaisa niya ang buong sambayanang Pilipino in wishing him good luck sa padating na laban niya,” pahayag ni Roque.*