Pagkapatay sang 2 ka mga soldado kag pagkasamad sang 6 ka iban pa indi makaapekto sa operasyon sang militar sa Negros Occidental

Ginpahayag ni Brigadier General Inocencio Pasaporte commander sang 303rd Infantry Brigade nga indi makaapekto sa ano man nila nga operasyon ang pagkapatay sang duha nila ka mga kaupod kag pagkasamad sang anum ka iban pa, sa engkwentro nga nagluntad sa Barangay Carabalan sa siudad sang Himamaylan, Negros Occidental.

Suno kay Pasaporte, padayon nila sa gihapon nga proteksyunan ang mga residente batok sa mga rebeldeng NPA.

Nahibaluan nga gindeklarar nga ‘killed in action’ sanday Corporal Christian P Drilon, kag Corporal Rex G Verde samtang ‘wounded in action’ naman sanday Corporal Joey Gardose, Private First Class (PFC) Rolly Rama, PFC June Fuentes, PFC Wilson Liander Jr., Private Wilchor Recaña kag Sergeant Edgiel Ucag.*