Nakasaad sa Senate Bill 2061, nga ginsumiter ni Senador Lito Lapid, pabaskogon sini ang responsibilidad sang mga anak sa ila mga ginhikanan nga mga tigulang na kag may mga balatian sa edad nga 60 anyos pasaka.
Suno sa Senador, base sa report sang Commission on Human Rights (CHR) indi lang sa Pilipinas makita ang isyu sang pang-abuso sa mga tigulang, disabled kag indi na makalakat nga ginhikanan lakip ang pisikal, sekswal, psychological, emosyunal kag financial abuse, pag-abandonar, pagpabaya kag seryoso nga pagkadula sang dignidad kag respeto.
Sa idalom sang bill, pagahatagan sang “right” ang mga tigulang nga ginhikanan pinaagi sa Department of Social Welfare and Development (DSWD), nga magsumiter sang nagakaigo nga kaso criminal batok sa iya mga anak kung indi siya pag-suportahan.
Kalakip sa suporta amo ang paghatag sang balay, bayu, medical assistance kag tanan nga iban pa nga kinahanglanon sang ginhikanan.
Kung sin-o man ang mapamatud-an nga nagpabaya sang suporta sa ila ginhikanan sa piyak sang ila ikasarang, ang posible manabat sa krimen.
Samtang, posible magalab-ot sa P200,000 tubtob P500,000 ang multa nga ipatong sa sin-o man magpabaya sa ila ginhikanan.
