MANILA, PHILIPPINES – Ginsumiter ni Senador Christopher “Bong” Go sa Senado ang hagna nga nagatumod nga padamuon ang produksyon sang disente nga balay nga mangin solusyon sa problema sang madamo nga populasyon sang mga Pilipino nga pigado kag wala puluy-an sa Pilipinas.
Ginahingyo sang Senate Bill No. 426 ang publiko kag pribado nga sektor nga makigbahin sa pagpatuman sang National Housing Development and Production Financing (NHDPF) Program sang gobyerno.
Ginsumiter naman ni Senador Go ang Senate Bill 192 ukon ang iya nga Rental Housing Subsidy Bill nga kun sa diin magahatag ang housing kag social protection program sa disaster victims sang maayo kag manubo nga presyo sang access sa formal housing market paagi sa probisyon sa rental subsidies nga ginhatag sang gobyerno.
