Gin-untatan sang Land Transportation and Regulatory Board (LTFRB) ang pagpanagtag sang ikaduha nga tranche sang fuel subsidy sa mga driver sang pampasahero nga salakyan nga apektado sang pagtaas sang presyo sang produktong petrolyo.
Gintugyan na sang LTFRB sa administrasyon sang masunod nga Presidente nga si Ferdinand “Bongbong” Marcos Jr. ang pagpanagtag sang nasambit nga ayuda.
Ginsiling ni Kristina Cassion, LTFRB Executive Director nga hulaton anay ang sistema kag pagsulundan sang bag-o nga administrasyon angot sa subsidy program.
Sandig sa orihinal nga budget sang General Propriations Act, yara sa P2.5 billion ang pondo para sa 300,000 benepisyaryo sang ikaduha nga tranche sang fuel subsidy.
Apang, may yara sa 50,000 benepisyaryo ang wala pa nakabaton sang fuel subsidy sa ikauna nga tranche.
