Kinahanglan nga sundon ang “health protocol” agud nga malikawan ang paglapta kag pagdamu sang kaso sang COVID 19.
Partikular nga gintumod ni Department of Health Officer in charge Maria Rosario Vergeire, ang pagsuksuk sang face mask sa tanan nga ti-on, ilabi na gid sa mga lugar nga may madamu sang tawo.
Nagalaum ang DOH nga ipatuman sa mga establisemento ang pagpasulod lamang sang mga nabakunahan nga mga indibidwal agud magtambong sa mga pagtililipon.
Suno sa DOH, dapat nga maghalong ang mga pumuluyo agud indi na magdamu pa ang mga nagamasakit sini nga paskua.
Base sa report sang DOH kahapon miyerkules, nadugangan pa gid sang 1,500 ang kadamuon sang mga bag-o gid lamang nalatnan sang COVID sa Pilipinas.
Sa kabilugan, may yara na sang 3,943,153 ka mga indibidwal sa Pilipinas sang nagpositibo sa COVID humalin sang nag umpisa ang pandemya.
