BACOLOD CITY– Suno kay Police Major Junji Liba, tig-pamuno sang Bacolod Traffic Authority Office (BTAO) sa inisyal nga pagsinapol nila sang Land Transportation Office kag Land Transportation Franchising and Regulatory Board, nga “allowed” ang “standing” ukon pagtindog sang mga pasahero sa mga modernized jeepneys diri sa syudad sang Bacolod.
Rason nga gindisenyo ang mga nasambit nga jeep nga may yara sang uluyatan para sa mga nagatindog tubtob nga indi lamang sila maka-apekto sa mga pasahero.
Pahayag pa sang hepe nga may yara na sila sang ginaplano nga loading kag unloading area para sa mga modernized jeepneys agud indi sila mangin sagabal sa trapiko apang indi naman sila makapangkuha sang pasahero bisan diin lang.
Panugyan pa sini sa mga operators nga dapat i-edukar nila ang ila mga drivers nga pagalimitahan na nila magkuha sang mga pasahero bisan diin kay naga-tuga ini sang trapiko.
Apang, indi pa ini “fully “ nga ma implement bangud nga wala pa 100% nga naga-operate ang modernized jeepneys.
Panawagan man sini sa mga operators nga magsinapol kada semana sa ila mga drivers agud ma tudluan nila ang mga ini nga magpark lamang sang ila salakyan sa loading kag unloading areas.*
