Thursday, April 18, 2024

PANGULONG DUTERTE GINDAYAW SI DIZON SA PAGPATUKOD SANG NATIONAL SPORTS ACADEMY

- Advertisement -

Gindayaw ni Pangulong Rodrigo Duterte si Bases Conversion and Development Authority president kag chief executive officer Vivencio Dizon bangud sa nagapadayon nga konstraksyon sang National Academy of Sports (NAS) sa New Clark City sa Tarlac.

photo from web

Sa iya Talk to the People, Miyerkules sang gabi, si Dizon suno sa Pangulo ang matandaan sang sambayanang filipino para sa iya maayo nga kontribusyon sa pagpatukod sang NAS nga gindisenyo bilang educational facility para sa mga student-athletes.

“Thank you, Vince Dizon. You know, about 20 years from now when you go to Clark City, then you look at the buildings that you have helped built, I’m sure that you will have that fire of love of country and patriotism and that you helped build what it is now,” pahayag sang Pangulong Duterte kay Dizon.

- Advertisement -

Ginsiling ni Dizon nga ang paghimo sang NAS ang isa sa “legacy” ni Pangulong Duterte.

“Nagsisimula na po ang construction nito at pinapangako po namin na bago matapos ang iyong termino, you will inaugurate this beautiful, world-class sports academy. Talagang iyan po ang magiging legacy ng Duterte administration para sa ating mga atleta, present and future,” pahayag ni Dizon.

Sa ginsiling ni Dizon, ginpahayag sang Pangulo nga luyag niya nga mahatagan man ini sang “gold medal” para sa accomplishments sang nasambit nga ahensiya.

“The Filipino will remember you, which will remind me, bigyan kita ng gold medal, ” pahayag ni Duterte.

 Matandaan nga sadtong Hunyo 2020 sang ginpirmahan ni Pangulong Duterte ang National Academy of Sports Act ukon Republic Act 11470.

Suno kay Sports Committee Chairman Senator Christopher “Bong” Go, pinakauna nga katuyuan sang layi amo ang pagpatukod sang National Academy of Sports (NAS) malapit sa world-class New Clark City Sports Complex sa Capas, Tarlac.

Ginamanduan sang layi ang NAS nga maghimo sang secondary education program nga gina-undan sang special curriculum on sports kag magahatag ini sang scholarship para sa mga kwalipikado nga kabataan nga may talento kag luyag ma-improve ang ila sporting skills.

- Advertisement -
Coolen Cubia
Coolen Cubia
A newscaster and news writer in one of the Local Radio FM Stations in Negros Occidental. Graduated in University of Negros Occidental-Recoletos Bachelor of Science in Mass Communication.

Related Articles

Leave a Reply

Stay Connected

33,995FansLike
9FollowersFollow
0SubscribersSubscribe
- Advertisement -

Latest Articles