Bacolod City – Kapin sa $1 million sang alahas ang nakuha sang mga kawatan sa isa ka pastor kag asawa sini samtang naga sermon sa ‘Leaders of Tomorrow’ church sa Brooklyn, New York.
Suno sa mga pulis, tatlo ka mga armado nga persona ang nagsulod sa simbahan kag ginkuha ang mga alahas ni Lamor Miller-Whitehead ukon “Bishop” kag sang asawa sini.
Base naman sa panaysayon ni Bishop, gintayaan man sang pusil sang isa sa mga suspetsado ang nawong sang iya walo ka bulan nga lapsag.
Gilayon naman nga nagpalagyo ang mga suspetsado sakay ang puti nga Mercedes-Benz.
Kilala ang pastor sa iya mga malahalon nga mga alahas kag masami nagasuksok sang mga “designer outfit.”
“They [suspects] took off my bishop’s ring, my wedding band and took off my bishop chain, and then I had chains underneath my robe, and he start tapping my neck to see if (there was) anything else — so that means they knew, they watched and they knew that I have other jewelry,” suno sa iya.
