Friday, March 29, 2024

Patago nga Plantasyon sang Marijuana sa Sagay Ginsulod sang Kapulisan, Suspek Arestado!

- Advertisement -

Tigayon nga masulod sang mga katapo sang Sagay City PNP Drugs enforcement unit sa pagpanguna mismo ni PLtCol. Albert Sy ang isa ka magamay nga plantasyon sang marijuana sa Prk. Maghiropay, Brgy. Taba-ao syudad sang Sagay alas-3:35 sang hapon Agosto 18.

In photo: Marijuana plant seized in Sagay City

Matapos makabaton sang impormasyon ang mga otoridad nga may yara sang naga tanom sang marijuana gilayon nga nagpatigayon sang surveillance ang kapulisan kag sang nakumpirmar ini didto na ginkasa ang operasyon.

Nadakpan ang suspek nga ginkilala kay Mark Gerald Maru Y Monterona alias Makoy, 19-anyos nga residente sang lugar nga amo man ang nagtudlo kun sa diin nahamtang ang mga tanom.

- Advertisement -

Nakuha sa iya posisyon kag kontrol ang apat ka buhi nga puno sang marijuana, pito ka puno nga nalaya na kag nakuhaan na sang dahon kag madamo nga laya nga dahon sangnasambit nga tanom.

Gina-bulubanta naman nga yara sa 1,000 pesos ang balor sang marijuana nga nakumpiskar sang mga otoridad.

Sa karon yara na sa paghinakop sang Sagay City PNP ang suspetsado kag magapangatubang naman ini sang kaso nga paglapas sa RA 9165 (Marijuana eradication). *| via Kabanderang Roel Pineda

- Advertisement -
Jinn Siatita
Jinn Siatita
Jinn Siatita, a radio reporter and a news writer in one of the local FM radio stations in Bacolod. Honed by the best and molded by experts.

Related Articles

Leave a Reply

Stay Connected

33,995FansLike
9FollowersFollow
0SubscribersSubscribe
- Advertisement -

Latest Articles