Sunday, December 4, 2022

Patay nga Megamouth Shark, Gin-anod sa Baybayon sang Camiguin

- Advertisement -

MAMBAJAO, CAMIGUIN- Nasapwan-patay ang Megamouth Shark nga naga utaw-utaw sa baybayon sang Mambajao, Camiguin.

Megamouth shark found dead in the seashore of Mambajao, Camiguin. Phpto from Philip Redoble

Ginakabig nga tumalagsahon lamang ini nga hitabo nga may higante nga isda ang na-anod sa lugar bangud nagatinir ini sa madalum nga bahin sang baybayon.

Suno sa provincial fisheries officer sang Camiguin, wala sila may nakita nga pilas sa lawas sang bagis.

- Advertisement -

Apang, wala nahibaluan ang rason sang kamatayon sang bagis bangud wala na nagpatigayon sang necropsy ang lokal nga gobyerno kag ginlubong na lamang ini sa isa ka landfill.

Makabulig kuntani ang necropsy agud mahibaluan ang rason sang kamatayon sang isa ka sapat.

Ginakabig ang Megamouth shark nga pinasahi nga bagis sa bug-os nga kalibutan bangud makit-an lamang ini sa madalum nga bahin sang baybayon nga may kadalumon nga 15,000 ka tapak.

Sa karun, data deficient ukon kulang pa sa impormasyon ang conservation status sang Megamouth sharks.

- Advertisement -
Reyster Gani
Reyster Gani
News Writer /News Reporter at Radyo Bandera Sweet FM Bacolod. BS Mass Communication Graduate at University of Negros Occidental-Recoletos

Related Articles

Leave a Reply

Stay Connected

- Advertisement -

Latest Articles