Base sa tally sang AFP, naglab-ot na sa 4,119,920 ang kadamuon sang mga indibidwal nga nabawian sang kabuhi, bangud sang COVID sa bilog nga kalibutan, humalin sang nag umpisa ang outbreak sa China.
Apang, suno sa World Health Organization (WHO), posible nga duha tubtub tatlo pa ka beses nga mas mataas sa 4.1 milyones ang kabilugan nga kadamuon sang nagkalamatay bangud sang COVID sa bilog nga kalibutan.
Suno sa WHO, may yara pa sang wala ma detect nga mga kaso sang COVID sa madamu nga mga pungsod, ilabi na ang mga indibidwal nga nagbatyag sang indi malala nga sintoma subong man ang mga wala nagbatyag sang sintoma sang COVID, apisar sang ginapatigayon nga testing.
Kahapon martes, 17,230 na naman ka mga indibidwal ang nagkalamatay sa COVID worldwide.
