Nangin madinalag-on ang preliminary competition sang Miss Universe Philippines 2023 nga ginhitwat sa Okada Manila sa Parañaque City.
Nanghakot awards sa nasambit nga kompetisyon ang front runner kag pambato sang Bohol nga si Pauline Amelinckx nga nakuha ang 10 ka mga special awards; Miss Creamsilk Ultimate, Miss Soen, Miss Kemans Body, Miss Origee Beauty Drink by Skin Magical, Miss Hello Glow, Miss Jojo Bragais, Miss Titan Universe, Miss Enderun, Miss Smilee Apparel, kag Miss Avana.
Wala man nagpaulihi ang kaupod man sini nga reyna sang tinalikdan nga tuig nga si Michelle Dee nga nakakuha man sang apat ka awards.
Ang bag-uhan naman sa kompetisyon nga si Angelique Manto sang Pampanga ang nagpauli man sang apat ka recognition.
Angot man diri, gintambungan man ang preliminaries sang pila ka mga sikat nga personalidad.
Matabo naman ang grand coronation night sa Mayo 13, 2023 kun sa diin pagatambungan ini ni Miss Universe 2023 Filipino –American beauty queen R’Bonney Gabriel nga nagpadulong pa sa Pilipinas para sa nasambit nga aktibidad.
