PDEA, Gin-Dismantle ang Isa ka Drug Den sa Ciudad sang San Carlos

Gin-dismantle sang mga katapo sang Philippine Drug Enforcement Agency-Negros Occidental ang isa ka drug den sa Barangay 5 sa ciudad sang San Carlos, Negros Occidental, takna las 7:45 sang Domingo sang gab-i, Pebrero 28, 2021.

Na-aresto man anum ka persona, nalakip na ang ginasuspetsuhan drug den maintainer nga ginkilala si Lamberto Fajardo.

Iban pa nga nadakpan sa nasambitan nga drug den amo sanday Renato Bestura, Jose Russel Dejito, Lito Fajardo, Edmar Franciloso, kag Antonio Barcelo.

Nakuha ang malapit 12 gramos sang ginasuspetsuhan shabu nga may balor P81,600, pila ka improvised tooters nga may residue pa sang ginadilian nga droga, scoops, foils, disposable lighters, buy-bust money, kag iban pa.*