Patay ang isa ka pedestrian sang ini ang nsagaid sang motorsiklo samtang nagatabok sa dalan, karga ang sako sang humay sa barangay road sang Baga-as proper sa banwa sang Hinigaran, Negros Occidental.
Ginkilala ang biktima nga si Abraham Magbanua, 55-anyos, isa ka mangunguma kag residente sang Hacienda Labayen, Barangay Tuguis sa banwa sang Hinigaran.
Sandig sa traffic investigation nga nagapadulong ang motorsiklo nga ginamaneho ni John Mark Lubrico, 28-anyos, sa proper sang barangay sang nasaga-id niya si Magbanua nga nagatabok sa dalan.
Nakaangkon sang head injury si Magbanua kag ginhingagaw ini siya dala ni Lubrico sa Isabela District Hospital, apang ini ang gin deklarar nga dead on arrival.
Suno kay Lubrico nga wala siya natumba kag ginhingagaw niya park ang iya motorsiklo, samtang nagkuha sang traysikol ang iya back-rider agud sakyan nila kag sang biktima padulong sa hospital.
Nagsungka naman si Lubrico sa Hinigaran Police Station.
Wala naghuna-huna si Lubrico nga malab-ot gid sang iya wala nga manubela si Magbanua.
Samtang, nagaayo sa nakabunggo si Elmer Palma, bayaw ni Magbanua, nga buligan lang sila sa galastuhon sa pagpalubong sa biktima, nga isa ka laon kag wala sang pamilya nga iya bangod pigado man ini.*
