Magapangatubang sang madamu nga kaso ang lalaki nga nagluthang sa biktima nga may deperensya sa paminsaron sa Quezon City, matapos mahibaluan nga nagpakuno kuno ini nga pulis.
Ginkilala ang suspetsado nga si Aurello Ramos, 25 anyos.
Sa CCTV nakit-an ang biktima nga nagalakat sa dalan.
Nakita man ang pag-abot sang salakyan nga ginamaneho sang suspek sa lugar.
Base sa alegasyon, gin duplaan sang biktima ang salakyan ni Ramos.
Diri na kag nagpanaug ang suspetsado nga nagasuksuk pa sang uniporme sang pulis kag ginpalapitan ang biktima.
Antis nagbalik sa salakyan, nagpalupok sang iya armas luthang si Ramos.
Suno sa nakasaksi sa insidente, makaduha ka beses nga nagbusina ang suspetsado antis nag park sang iya salakyan.
Ginhambalan man sang witness ang suspek nga may deperensya sa paminsaron ang lalaki.
Gindala sa ospital ang biktima, bangud sang igo sang bala sa li-og kag abaga.
Sa follow up operation, nadakpan ang suspek kag nakuhaan sang mga bala kag armas luthang.
Nahibaluan man sang mga otoridad, nga peke ang pulis nga suspek kag nagbakal lamang sang iya uniporme online.*
by: Sunshine Lacson
