Ginatun-an na sang Land Transportation Franchising and Regulatory Board (LTFRB) ang petisyon nga dugang plete para sa mga jeepneys, transport network vehicle services (TNVS) kag bus.
Ginakonsiderar pa sang LTFRB ang epekto sa mga drivers kag commuters ang pagpasaka sang plete antes magpaguha sang desisyon angot sa nasambit nga petisyon.
Sadtong Hunyo 8, gin-aprubahan sang LTFRB ang P1 provisional increase nga minimum fare sang public utility jeepneys.
Bangud diri, nagsaka ang minimun fare sa P10.
Luyag naman sang mga jeepney drivers nga maipasaka ang P14.00 tubtob P15.00 nga plete sang jeep.
Naghatag naman ang Grab sa LTFRB sang petisyong nga maipasaka ang ila flagdown fare sa P20.
Nagapangayo naman ang city kag provincial bus operator nga maipasaka ang plete nga P4 sa P7.
Ginpaathag naman sang LTFRB nga wala pa nakabaton sang pormal nga petisyon ang ila administrasyon halin sa mga taxi divers.
