Thursday, March 28, 2024

Philippine airspace shutdown, nakatalana nga patigayunon sa Mayo 17

- Advertisement -

Nakatalana nga patigayunon ang shutdown sa bilog nga Philippine airspace sa sulod sang anom nga oras sa Mayo 17, humalin las 12 sang kaagahon tubtob las 6 sang aga.

Sa report sang Inquirer, patigayunon ini agud mahatagan sang oras ang pag-ilis sang uninterruptible power supply (UPS) system nga nag-aberya sadtong New Year’s Day kag nagtuga sang pag-untat sa operasyon sa Aquino International Airport.

Samtang, sang tinalikdan nga mga inadlaw nagluntad naman ang walo ka oras nga power outage nga nag-untat sa operasyon sang Naia Terminal 3, nga nagresulta sang pagka-delay kag kanselasyon sang mga flights, nga naka-apekto sa masobra 9,000 ka mga pasahero.

- Advertisement -

Angut diri, ginpahayag naman ni Bryan Co, opisyal sang Manila International Airport Authority (MIAA), nga gin-abisuhan sini nga tinalikdan nga semana angut sa maintenance activity ang mga airlines agud mahatagan sang “lead time” sa pagplano sang flight schedules kag paghatag sang abiso sa mga pasahero.

Samtang, gina-ekspektar naman nga wala sang aktibidad sa bilog nga Philippine airspace sa sulod sang anom ka oras sa Mayo 17 kag ipadayon ang operasyon sini kun natapos na ang maintenance.*

- Advertisement -
Reyster Gani
Reyster Gani
News Writer /News Reporter at Radyo Bandera Sweet FM Bacolod. BS Mass Communication Graduate at University of Negros Occidental-Recoletos

Related Articles

Leave a Reply

Stay Connected

33,995FansLike
9FollowersFollow
0SubscribersSubscribe
- Advertisement -

Latest Articles