Ipahalugan na ang pasulundan sa physical distancing sa mga eskwelahan sa ipatigayunon nga limited in-person classes sa Agosto sa mga lugar nga ginpaidalum sa COVID-19 Alert Level 1.
Suno kay Nepomuceno Malaluan, Education Undersecretary nga gin-abisuhan na sang Department of Health (DOH) ang DepEd nga ipahalugan ang distancing protocol sa mga eskwelahan nga yara sa pinakanubo nga alert level.
Ginproseso na sang DepEd ang paghimo sang guidlines agud sa pagtudlo sa masunod nga pagbukas sang klase kag paano ipatuman ang blended learning.
Ipabalo man sang DepEd ang mga adlaw sang face-to-face classes kag remote learning.
Ginsiling ni Malaluan nga kun may madamo nga posibilidad nga magtaas ang kaso sang COVID-19 nga mangin kabangdanan nga ipaidalum ang mga eskwelahan sa mataas nga alert level, nakabalo na ang mga ini sang mga protocols nga ipatuman agud malikawan ang nasambit nga makamamatay nga virus.
