Nag-atras na ang iban nga Chinese maritime militia vessels sa Ayungin Shoal kung sa diin, ginbomba sang mga ini sang water cannon ang duwa ka barko sang Pilipinas nga magadala kuntani sang supply sa tropa sa lugar sadtong nakaligad nga semana.
Suno kay Vice Admiral Ramil Roberto Enriquez, AFP Western Command Commander kag head sang Area Task Force West halos duwa ka Chinese militia vessels na lang ang nasiplatan sa Ayungin Shoal alas 12:00 sang kaagahon sadtong Domingo.
“Ang kagandahan lang, namataan namin ‘yong Chinese militia vessels doon (Ayungin Shoal) nag-alisan na ng hatinggabi. Ang Chinese Coast Guard ay naging dalawa na lang,” pahayag ni Enriquez.
Matandaan nga mismo si Foreign Affairs Secretary Teodoro Locsin Jr., ang nagbalita angot sa pagpang-harass sang Chinese Coast Guard sa duwa ka supply boats sang Pilipinas sadtong Nobyembre 16.
Wala naman sang napilasan sa insidente apang kinahanglan i-abort ang re-supply mission bangud sa ginhimo sang mga ini.
