BACOLOD CITY– Pila ka mga dalan sa sIudad sang Bacolod ang ginpaidalom sa road clearing nga ginpangunahan sang Bacolod Traffic Authority Office (BTAO).
Suno sa interview kay Police Major Junji Liba, hepe sang BTAO, ang nasambit nga tikang ang indi na bag-o kag nauna na nila ginahimo antes magsugod ang Masskara Festival.
Apang, nauntat lamang ini sang ginsaulog na ang nasambit nga pista kag gin-padayon sa karon liwat ang operasyon.
Natapos na nila road clearing ang dalan sa North Capitol Road sa Ayala, Lopez Jaena, Galo Street, Burgos Street, apat ka kalye sang Libertad, Mabini, Hernaez, Mercedes kag ang South Capitol Road.
Ginatan-aw man nga ipatigayon ang road clearing sa dalan Eroreco kag La salle sa masunod nga mga semana.
Suno kay PMaj. Liba gin-hatagan sang focus ang operasyon sang illegal parking kadungan man sang mga naga-sinulod nga mga tricycle, traysikad kag e-bike.
Panugyan man ni Pmaj. Liba nga mag-kooperar sa mga ginapatigayon nga road clearing operation kag magahimo man sang kina-iya nga initiative agud makabulig man hagan hagan sa trapiko sa siudad.*
