BACOLOD CITY – Narekober ang pila ka mga kontrabando sa ginpatigayon nga greyhound operation sang mga katapo sang Bureau of Jail Management and Penology kaupod ang pila ka mga personnel sang Bacolod City Police Office kag Philippine Drug Enforcement Agency sa Metro Bacolod District Jail Male Dormitory sa Brgy. Singcang-Airport kaina sang aga, Setyembre 13.
Suno kay Jail Chief Inspector Felix Sariana, jail warden sa MBDJ-MD ang ini nga operasyon ang ila ginapatigayon sa kada quarter sang tuig agud nga mapangkuha ang mga kontrabando nga ginahuptan sang mga priso sa sulod sang pasilidad.
Lakip sa mga nakuha amo ang mga pinggan, shaver, paint brush, tubo, ballpens, guba nga electric fan kag iban pa nga mga improvised pointed weapon.
Dugang pa sini, magluwas sa quarterly nga operasyon, may yara man sila sang ginapatigayon nga daily greyhound apang sa mga pili lamang nga selda ilabi na kun may yara sila sang mabaton nga intel reports nga may mga ginatago diri nga kontrabando.
Pahayag sang warden, may yara man sila sang ginapatigayon nga ‘quarterly disposal of contrabands’ sa mga bagay nga ila makuha sa nasambit nga operasyon.*
