Tuesday, October 4, 2022

Pila ka mga opisyales sang kapitolyo magaserbe bilang consultant sa siyudad sang Bacolod

- Advertisement -

BACOLOD CITY – Ginkumpirmar ni Provincial Administrator Atty. Rayfrando Diaz nga nagapangayo sang assistance ang talatapan ni Bacolod City Mayor Albee Benitez sa pila ka mga opisyales sang Kapitolyo bilang “Consultant” sa pila ka mga areas sang siyudad nga luyag ni Mayor Albee nga pangayuan sang bulig.

Suno kay Atty. Diaz wala naman naga oppose si Governor Eugenio Bong Lacson sang ini ang ginpahibalo sang tinalikdan nga Lunes.

Dugang pa ni Diaz, Siento Porsyento ang suporta sang Gobernador kay Mayor Albee, tanan nga mga programa sang probinsya nga nangin madinalag-on handa nga ipakigbahin sang kapitolyo sa Bacolod City.

- Advertisement -

Pagklaro ni Diaz libre nga ipakigbahin sang kapitolyo ang serbisyo para sa siyudad kasubong sang personnel kag teknolohiya ukon MIS system.

Ginklaro man ni Diaz nga bisan ang iya consultancy ang libre kag indi siya magapangayo sang bayad bilang bulig kay Mayor Albee kag sa siyudad sang Bacolod nga amo ang Capital City sang Negros Occidental.

Pinaagi sang “Correspondence no. 11-22-0394 ukon proposed agreement sa tunga sang Provincial Government kag Bacolod City ang mga madason na mga pangalan ang gin-request sang siyudad agud mangin consultant sa pila ka mga talatapan sang siyudad.

1. Atty. Rayfrando Diaz II – Consultant for Administrative Matters and Systems Review.

2. Atty. Valerie Anne H. Hollero – Consultant for Health Insurance and Health Care.

3. Dr. Mary Ann P. Maestral – Consultant for Health and Hospital Concerns.

4. Ms. Lucille Gelvolea, Ph. D – Consultant for Special Projects and Economic Affairs.

Nahibaloan nga si Lucille Gelvolea ang tigpamuno sang Economic Enterprises Development Department (EEDD) sang probinsya samtang si Dra Maestral ang Chief of Hospital sang Teresita Lopez Jalandoni Provincial Hospital.

Dugang pa ni Atty. Diaz bisan kun mangin masako sila sa kapitolyo kun manginahanglan sang bulig si Mayor Albee obligado sila nga magapalapit sa alkalde.

“We do not claim to solve everything but we are there to help 100 percent” suno pa sang provincial administrator.*

- Advertisement -

Related Articles

Leave a Reply

Stay Connected

- Advertisement -

Latest Articles