Bacolod City – Ginkalipay sang pila ka mga tricycle driver sa Bacolod City ang ginaduso nga P1,000 one-time fuel subsidy ni Bacolod City Councilor Em Ang.
Kun maaprobahan ang ini nga ordinansa, maka benipisyo ang kapin sa 5,584 ka mga tricycles-for-hire nga rehistrado sa syudad.
Suno kay Nicolas Batisla-ong, presidente sang Taculing Tricycle Operators and Drivers Association (TACTODA), nagalaum ini nga tani madayon ang ini nga ordinansa bangud dako ang mabulig sini agud nga miski papano maka piyan-piyan sa ila galastuhon sa gatung.
Samtang para naman kay Jay David, presidente sang Tricycle Operators and Drivers Association of Mandalagan (TODAMA), nagapasalamat sila nga may amo sini nga inisyatibo ang gobyerno para sa ila bangud ang isa ka libo nga fuel subsidy ang mapaigo nila sa sulod sang tatlo ka adlaw.
Sa karon, yara na sa second reading ang nasambit nga ordinansa.
