Nakabaton sang medalya ang anum ka pilason nga mga army halin kay Secretary of National Defense Usec. Jose Faustino Jr. bangud sa ila dalayawon nga ginhimo sa engkwentro batok sa Communist NPA terrorists sa operasyon sang 94th Infantry Battalion, 3ID, Philippine Army sa Sitio Sag-ang, Brgy. Carabalan, Himamaylan.
Gin-pinned ang medalya sa anum ka mga army nanday Usec. Jose Faustino Jr., LTGEN Bartolome Vicente Bacarro PA, Chief Of Staff, AFP; LTGEN Romeo S Brawner Jr. PA, Commanding General, Phil Army; MGEN Benedict M Arevalo PA, Commander, 3ID kag BGEN Inocencio Pasaporte PA, 303rd Infantry Brigade Commander sa ginpatigayon nga awarding ceremony sa isa ka hospitals sa Bacolod kahapon nga adlaw sang Domingo, Oktobre 9.
Sadtong Oktobre 8, duha ka army sang 94IB ang napatay kag anum ang pilason sa asud-asod nga engkwentro batok sa mga NPA sa Brgy. Carabalan.
Gindayaw ni Usec. Faustino Jr. ang kaisog kag di-makagod nga dedikasyon sang operating troops sang 94IB sa pag-secure kag pag-protekta sa komunidad sang Himamaylan batok sa mga iligal nga recruitment sa mga menor de edad sang mga NPA terrorist.
Samtang, naghatag naman sang mensahe si BGEN Pasaporte, 303rd Brigade Commander: “The medal symbolizes your bravery in facing our enemy and selfless dedication on your oath to protect the people and the country. As your Brigade Commander, I want to recognize your collective efforts, and may this simple occasion motivate you to do more and perform well on your next mission. Let us continue our efforts in going after the Communist NPA Terrorists. “
