Nakakuha sang duha ka gold kag isa ka silver medal si Angeline Colonia sa iya pinakauna nga international competition sa ginpatigayon nga Asian Youth and Junior Weightlifting Championships sa Tashkent, Uzbekistan sang Domingo, Hulyo 17.
Nadaug ni Colonia ang gold medal sa snatch (62kgs), silver medal sa clean and jerk (72kgs), kag isa pa ka gold medal pagkatapos pangunahan ang kabilugan (134kgs).
Nalapawan man ni Colonia ang 61kg nga Asian Youth kag World Youth records matapos makahakwat sang 62kg sa snatch.
Sang Marso lamang nangin myembro sang national team si Colonia nga isa ka grade 11 nga estudyante sang Culianan National High School sa Zamboanga City.
Si Angeline ang manghod ni 2016 Rio Olympics veteran Nestor Colonia.
“She’s good for the 2028 Los Angeles Olympics. Another Olympian coming up. ‘Future’ here we come. Praise the Lord. More to come,” pahayag ni Samahang Weightlifting ng Pilipinas president Monico Puentevella.
Congratulations, Angeline!
