Bangud madamu sang mga nurses nga nagapadulong sa iban nga pungsod agud magtrabaho, nangin problema na ang kakulang sang nurses sa mga ospital sa Pilipinas.
Ginkumpirmar sang Department of Health (DOH), nga kulang ang mga public kag private hospitals sa Pilipinas sang kapin 106,000 ka mga nurses.
Magluwas sa mga nurses, kulang man ang health facilities sa pungsod sang doctors, pharmacists, medical technologists, midwives, physical therapists kag dentists.
Base sa datus nga gin release ni DOH officer in charge Maria Rosario Vergeire, may masobra sa 2,000 ka mga bakante nga plantilla positions sa health department nga ginalakipan sang 624 ka mga posisyon para sa nurses, 1,332 para sa midwives kag 63 para sa dentists.
Naghingyo na sang bulig si Vergeire sa mga health care workers, agud nga mapadayon ang operasyon sang mga health facilities sa Pilipinas.
Statement of Vergeire:
“Kailangan po namin ang tulong niyo sa ngayon para mag-continue po ang operations ng bawat facility dito sa ating bansa.”
