PILIPINAS MAGABAKAL SANG 100 MILLION NGA COVID-19 SHOTS SA MASUNOD NGA TUIG

Nagaplano ang gobyerno sang Pilipinas nga magbakal sang kapin sa 100 million ka COVID-19 vaccine doses sa masunod nga tuig, suno kay National Task Force against COVID-19 chief implementer and vaccine czar Carlito Galvez Jr.

Suno kay Galvez magapirma sang kontrata ang gobyerno sa Johnson & Johnson para sa 6 million shots sang single-dose COVID-19 vaccine nga igadeliver sa Enero sa masunod nga tuig.

Dugang pa niya, naka-administer na sang 46.2 million sa 77.4 million ka mga vaccine doses nga nabaton sang pungsod.

Indi magnubo sa 21.7 million ka mga indibidwal ukon kapin 28% sang target population ang sa karon, fully vaccinated.