Ginkumpirmar sang Bureau of Animal Industry ang outbreak sang avian influenza H5N1 ukon bird flu sa isa ka layer farm sa Santa Maria, Bulacan.
Suno sa Bureau of Animal Industry (BAI) may 6 na ka kaso sang bird flu kalakip ang 2 sa Pampanga, tig-1 sa Cagayan Valley, Sultan Kudarat, kag Manila nga lunsay mga nagaatipan sang pugo, pato kag pangbulang nga manok.
Yara na sa idalom sang ‘culling; ang mga na-apektuhan nga manok.
Samtang, gin-ganyat sang BAI ang mga tag-iya nga i-report kung may makita nga ‘mortality’ ukon pagkamatay sa ila mga ginasagod nga manok para madasig nga ma-test kag malikawan ang paglapta sang balatian.
Ginapahanumdom man sang BAI ang mga tag-iya sang farm nga ipatuman ang istrikto nga ‘biosecurity’ bangud makalaton man sa tawo ang balatian.