Nagapangatlo ang Pilipinas sa listahan sang mga pungsod nga may pinakamadamo nga environmental defenders nga ginpamatay suno sa human rights group nga Global Witness.
Base sa pinakaulihi nga datus, 227 ka mga environmental defenders ang ginpatay sa Pilipinas sang 2020. Nakarekord naman ang Colombia sang 65 ka mga patay kag 30 naman sa Mexico.
Gindugang man sang grupo nga masobra sa tunga sang pagpangatake sa mga human rights defenders sa Pilipinas ang direkta nga naangut sa ila pagpamatok sa pagmina, logging kag dam projects.
Ginapahayag nga ang administrasyon ni Presidente Rodrigo Duterte ang may mataas nga narekord nga pagpamatay sa mga defenders.
Ginlaragway naman sang grupo nga makakilibot ang pagpatay sa siyam ka miyembro sang indigenous peoples community sa Panay sang Disyembre tinalikdan nga tuig.
“Indigenous peoples were the target of five of the seven mass killings recorded in 2020. In the most shocking of these, nine Tumandok indigenous people were killed and a further 17 arrested in raids by the military and police on the 30th of December on the island of Panay in the Philippines.”
“Numerous reports state that these communities were targeted for their opposition to a mega-dam project on the Jalaur river.”*
