Pampito sa Global Impunity Index sang Community to protect Journalists ang Pilipinas.
Suno sa Community to protect Journalist, yara sa 278 nga journalists ang ginpatay sa bilog nga kalibutan sumugod Setyembre 2011 tubtob Agosto 2021.
Halin sa nasambit nga kadamoon, 226 ukon 81% ang unsolved ukon wala pa napasabat ang sa likod sang pagpatay.
Sa Global Impunity Index subong nga tuig, nakarecord ang Pilipinas sang 13% nga unresolved cases sang media killing sumugod sadtong tuig 2011.
Ginpahayag sang Presidential Task Force on Media Security nga ini ang pinakauna nga tion nga wala nahatagan sang atensyon sang Pilipinas nga una ini nabutang sa listahan.
Ang Maguindanao Massacre sadtong 2009 sa giyapon ang ginakabig nga deadliest attack on Press sang Community to protect Journalists.
Sa 58 nga napatay, 32 diri ang miyembro sang media.
Pag-abot naman sa kadamoon sang mga journalists sa pungsdon, pinakadamo ang naga-trabaho sa radyo nga may 47 deaths, 43 sa dyaryo kag 4 sa telebisyon.
Kung paga-estoryahan naman ang gintutukan nga balita sang ginpangpatay nga journalist, 56 diri ang nagasulat sa politika, 36 angot sa korapsyon kag 20 ang naga-topic angot sa krimen.
Kung datos naman sang gobyerno ang lantawon, sa 187 nga media killing nga ginabantayan sang media security task force sa panahon ni Cory Aquino, 51 ang nagresulta sa guilty verdict, 56 ka kaso naman ang ginakonsiderar nga close for various reason.
Ginpasiguro naman sang Presidental Task Force nga ginatutukan na ang imbestigasyon sa media killing apang mahinay ang paghatol sang korte.
