PILOTO NAKALUWAS SA PAG-CRASH SANG SPRAY PLANE SA DAVAO DE ORO

Nakaluwas ang isa ka piloto matapos nag-crash ang ginamaneho nga spray plane sa Barangay Pangi, Davao de Oro.

Sa imbestigasyon sang Maco police, nagpatigayon sang aerial spraying sa plantasyon sang saging sa Farm 1 sang kompanya nga Marsman ang piloto nga si Capt. Rotillo Fuentez sang hinali nalang nag-aberya sa makina ang ginamaneho nga spray plane.

Nabudlayan si Fuentez nga kontrolon ang eroplano, nga may body number nga AGVAN RP R4416, rason sang pag-crash sini.

Wala naman nakaangkon sang mga pilas ang piloto apang naguba naman ang 47 ka bag-o tanom nga mga kahoy sang saging.

Sa karon, nagapadayon ang imbestigasyon sang Civil Aviation Authority of the Philippines sa nasambit nga plane crash.