Sunday, December 4, 2022

Pinaka Una Nga Kaso Sang B.1.1318 Covid Variant, Na Record Na sa Pilipinas Kag May Local Address Nga Bacolod, Negros Occidental

- Advertisement -

Ginkumpirmar sang Department of Health nga may yara na sang pinaka una nga kaso sang B.1.1318 COVID 19 variant sa Pilipinas.

Una nga na detect ang nasambit nga variant sa Mauritius nga nangin rason man sang pagsaka sang kaso sang COVID sa nasambit nga pungsod.

Pinaagi sa press briefing, ginpahibalo ni Health Undersecretary Maria Rosario Vergeire nga isa ka 34 anyos nga lalaki ang nagpositibo sa nasambit nga variant.

- Advertisement -

Siya ang nag abot sa Pilipinas sang tinalikdan nga Marso 5, 2021 kag nakuhaan sang sample sang Marso 10.

Base man sa record sang DOH, nag byahe gikan sa United Arab Emirates ang lalaki kag may local address nga Bacolod City, Negros Occidental .

Suno kay Vergeire, indi kinahanglan nga mag panic ang publiko, bangud padayon pa nga gina monitor sang DOH ang nasambit nga variant.

Naka recover naman sa impeksyon ang pinaka una nga kaso sang Marso 21.

Ginpanugyan man ni Vergeire nga kinahanglan lamang sang tanan nga maghalong kag magsunod sa minimum public health standards.*

- Advertisement -
Shiela G. Gelera
Shiela G. Gelera
Shiela G. Gelera is a Bacolod City/Negros Occidental-based journalist who has covered various beats since she started her media career in 2013 up to the present. She had worked with the oldest local daily newspaper in the Visayas before she hopped into the broadcast industry. Currently the news director of Radyo Bandera Sweet FM Bacolod. Aside from being with the local media outfit, she is also a news stringer for a national media network and a story contributor for a local news daily in Bacolod.

Related Articles

Leave a Reply

Stay Connected

- Advertisement -

Latest Articles