Pinaka una nga kaso sang bird flu sa Western Visayas, na-record sa Capiz

Positibo sa bird flu ang mga manok sa isa ka poultry farm sa Barangay Cagay, Roxas City, Capiz.

Ginkumpirmar sang Department of Agriculture ukon DA, nga madamu sang mangitlog na kuntani nga mga manok, ang nagkalamatay sa nasambit nga poultry farm.

Ini ang pinaka una nga kaso sang “bird flu” sa Region VI ukon bilog nga Western Visayas.

Ginpatigayon na ang disinfection sa lugar, agud malikawan ang madamu pa nga pagkalamatay sang mga manok.

Base sa resulta sang confirmatory test nga ginpatigayon sa mga manok, nagpositibo sa H5N1 bird flu subtype ang mga manok sa isa ka poultry farm sa Barangay Cagay.*