Nagdangat na sa duha ka porsyento sang pinakamaiwat nga zebra sa bug-os nga kalibutan ang nagkalamatay sa sulod sang tatlo ka bulan bangud sa pinakagrabe nga tigpalamangag sa pungsod Kenya.
Ang Grevy’s zebra ang ginakabig pinakaiwat nga sahi sang zebra kun diin 3,000 na lamang ang nabilin sa bug-os nga kalibutan samtang yara ang 2,500 sa Kenya.
Suno kay Andrew Letura, monitoring officer sa Grevy’s Zebra Trust (GZT), ginabulubanta 40 na ka Grevy’s zebra ang nagkalamatay halin sang Hunyo.
Nagakagutman ang wildlife ukon ang nagkalain-lain nga mga kasapatan bangud sa tig-ilinit nga nagaresulta sa ila nga kamatayon.
Suno sa mga conservationist, posible nga magresulta ini sa existential crisis sang kasapatan sa nagkalain-lain nga bahin sang East Africa.
