SPAIN – Gindisenyo ang isa ka “bionic exoskeleton” nga makabulig sa liwat nga paglakat kag paghampang sang mga kabataan nga may kasablagan sa Madrid, Spain.
Ginakabig nga pinakauna nga rehabilitation device ang Atlas 2030 pediatric gait exoskeleton nga ginhimo para sa mga kabataan nga makabig person with disability (PWD).
Kalakip sa mga kabataan nga ginbuligan sang Atlas pediatric gait ang may yara sang neuromuscular diseases partikular na ang may paraplegia, cerebral palsy kag muscular atrophy.
May motor unit, elastic technology kag sensors ang exoskeleton para sa brain signals, agud makagiyo sang normal ang mga nasambit nga kabataan nga magagamit sini.
Posible man ibaylo sa wheelchair ang exoskeleton kit agud mahatagan ang milyon-milyon nga PWD nga kabataan sa bug-os nga kalibutan sang eksperyensya nga makahampang pareho sa mga normal nga kabataan.
“The exoskeleton is attached to his legs, his trunk, his body, and replaces those muscles the child uses when trying to move. The exoskeleton detects that effort and gives him the strength he needs to move,” suno kay Elena Garcia Armada, founder kag CEO sang Marsi Bionics.
